13.06.2012
ხობის მუნიციპალიტეტის სოფელ თორსაში „ახალი მემარჯვენეების“ ლიდერები დავით გამყრელიძე და მანანა ნაჭყებია ადგილობრივ მოსახლეობას შეხვდნენ. გამყრელიძემ თორსის მოსახლეობას პარტიის პოლიტიკური ხედვა გააცნო, თუმცა დასძინა, რომ საარჩევნო პროგრამით ისინი ხობს აგვისტოს თვეში ეწვევიან. დავით გამყრელიძემ ასევე ისაუბრა სოფლის განვითარების აუცილებლობაზე. მისი განცხადებით, სახელმწიფოს მიერ შეძენილი 500 ტრაქტორი საკმარისი არ არის და საქართველოს დაახლოებით 5 000 ერთეული ტექნიკა სჭირდება მიწის დასამუშავებლად. „ახალი მემარჯვენეების“ ლიდერმა პრეზიდენტს ტრაქტორების საწარმოს გახსნა შესთავაზა. დავით გამყრელიძე მოსახლეობას ჯანდაცვის, განათლების ხელმისაწვდომობასა და სოფლებში ახალგაზრდების დასაქმების პრობლემებზე ესაუბრა. მისი განცხადებით, „საქართველოს სოფლების 20% რუსეთმა მიითვისა. ჩვენ კიდევ დავკარგავთ სოფლებს, რადგან ეს ტერიტორიები ახალგაზრდებისგან იცლება“. დავით გამყრელიძე თორსადან სოფელ ხეთაში გაემგზავრება და ადგილობრივ მოსახლეობას შეხვდება. იგი სამეგრელოში კვირის ბოლომდე დარჩება.
ახალი მემარჯვენეები ხობში
